اسلام آباد (عوامي آواز نيوز) بحريا ٽائون جو مالڪ ملڪ رياض سرڪاري ملازمن سان به فراڊ ڪري ويو، اهڙو انڪشاف ان وقت ٿيو جڏهن سپريم ڪورٽ ۾ 2018ع کان ملڪ احمد نواز جي بحريا ٽائون خلاف داخل درخواست چيف جسٽس آڏو آئي.
نامياري صحافي عمران وسيم موجب درخواست ۾ ملڪ رياض تي الزام مڙهيو ويو آهي ته روينيو ايمپلائيز ڪو آپريٽو هائوسنگ سوسائٽي راولپنڊي بحريا ٽائون ۾ اهو چئي ضم ڪيو ويو ته سوسائٽي جي الاٽيز کي بحريا ٽائون ۾ رهائش ڏني ويندي.
اهو چئي سرڪاري ملازمن جي سوسائٽي جي زمين ملڪ رياض پنهنجي قبضي ۾ وٺي ان عيوض ڪجهه رقم ادا ڪري اها زمين ڪنهن ٻي سوسائٽي کي وڏي رقم عيوض وڪڻي ڇڏي. جڏهن ته سوسائٽي جي الاٽيز ملازمن کي نه بحريا ٽائون ۾ رهائش ملي نه رقم ۽ نه ئي متبادل پلاٽ مليو.
سپريم ڪورٽ جي چيف جسٽس ابتدائي ٻڌڻيءَ بعد ملڪ رياض ۽ ڪو آپريٽو سوسائٽي جي رجسٽرار کي نوٽيس جاري ڪري 6 هفتن ۾ جواب طلب ڪري ورتو آهي.
نوٽ: هيءَ خبر روزاني عوامي آواز خميس 18 جنوري 2024ع تي شايع ٿي
No comments:
Post a Comment