اسلام آباد (ويب ڊيسڪ) حڪومت اسلام آباد کي ماڊل هيلٿ سٽي بڻائڻ جو فيصلو ڪيو آهي. صحت واري وفاقي وزير عامر ڪياني جي صدارت هيٺ اجلاس ۾ اسلام آباد کي ماڊل هيلٿ سٽي بڻائڻ جو فيصلو ڪيو ويو. عامر ڪياني چيو ته اسلام آباد ۾ ٻه ٻهراڙي ۽ 9 نوان صحت جا بنيادي مرڪز ٺاهي رهيا آهيون، حڪومت صحت جي شعبي ۾ بهتري لاءِ انقلابي قدم کڻي رهي آهي، اسلام آباد ۾ ليڊي هيلٿ ورڪرز جو انگ 6 سئو ڪيو ويندو ۽ 4 وڏيون اسپتالون قائم ڪيون وينديون. حڪومت اسلام آباد ۾ هڪ نرسنگ يونيورسٽي ٺاهڻ جو به اعلان ڪيو. صحت واري وفاقي وزير ٻڌايو ته اسلام آباد ۾ 10 اربن جي لاڳت سان نرسنگ يونيورسٽي ٺاهينداسين، جڏهن ته علائقائي ۽ بنيادي صحت مرڪزن کي به اپ گريڊ ڪيو ويندو.
The post اسلام آباد کي ماڊل هيلٿ سٽي بڻائڻ جو فيصلو appeared first on Awami Awaz.
No comments:
Post a Comment