ڪراچي (ويب ڊيسڪ) من موهڻي ماڊل ۽ اداڪارا آمنا الياس رنگ ڀورو ڪندڙ ڪريمن جي مشهوري ڪندڙن تي هڪ ڀيرو ٻيهر تنقيد ڪئي آهي.
آمنا الياس پنهنجي سالگرهه جي موقعي تي سوشل ميڊيا تي هڪ ويڊيو جاري ڪندي رنگ ڀورو ڪندڙ ڪريمن جي مشهوري ڪندڙن تي ٺٺول ڪئي.
ماڊل مختصر ويڊيو جي مُنڍ ۾ چئي ٿي ته ”مان آهيان آمنا الياس، توهان منهنجي ڪاميابيءَ جو سبب ڄاڻڻ چاهيو ٿا“؟
پوءِ آمنا الياس اٽي سان ڀريل هڪ ٻاٽي ۾ پنهنجو مُنهن وجهي ٿي ۽ چئي ٿي ته ”هاڻ ڪندا منهنجي مداح مون تي اعتماد، خدا جي واسطي، پاڻ کي سڃاڻيو“.
آمنا الياس جي اهڙي عمل کي سوشل ميڊيا واهپيدارن طرفان ڀرپور ساراهيو پيو وڃي.
واضح رهي ته آمنا الياس ان کان اڳ به رنگ ڀورو ڪندڙ ڪريمن جي مشهوري ڪندڙ پنهنجي ساٿي فنڪارائن تي تنقيد ڪندي رهي آهي.
ڪجهه وقت اڳ هڪ انسٽاگرام پوسٽ ۾ سندس چوڻ هو ته منهنجو رنگ مون کي ناڪام نٿو ڪري سگهي ۽ نه مون کي ڪنهن مقصد ۾ ڪيرائي سگهي ٿو، منهنجو رنگ جهڙو به هجي فرق نٿو پئي، مان پنهنجا مقصد حاصل ڪرڻ لاءِ هر ممڪن ڪوشش ڪنديس.
The post آمنا الياس سالگرهه جي ڏينهن مداحن کي حيران ڪري ڇڏيو appeared first on Awami Awaz.
No comments:
Post a Comment