اسلام آباد (ويب ڊيسڪ) تعليم واري وزارت ڪورونا ڪيسن ۾ واڌ باوجود سڄي ملڪ ۾ تعليمي ادارا کليل رکڻ جو فيصلو ڪري ڇڏيو.
تعليم واري وفاقي وزير شفقت محمود جي صدارت هيٺ بين الصوبائي تعليمي وزيرن جو اجلاس ٿيو، جنهن ۾ صحت واري وزارت جي اختيارين ڪورونا جي مجموعي صورتحال تي بريفنگ ڏني.
ذريعن موجب تعليم وارن وزيرن جي ڪانفرنس ۾ شرڪت ڪندڙن اتفاق ڪيو ته موجوده صورتحال ۾ تعليمي ادارن کي بند ڪرڻ جي ضرورت ناهي، تنهن ڪري سڄي ملڪ ۾ تعليمي ادارا کليل رهندا.
ذريعن جو چوڻ آهي ته اجلاس ۾ اٺين، نائين ۽ ڏهين جي بورڊ امتحانن تي ڪو فيصلو نه ٿي سگهيو.
واضح رهي ته ملڪ ۾ ڪورونا وائرس جي ٻي لهر کانپوءِ اين سي او سي سمارٽ لاڪ ڊائون لڳايو آهي، جنهن تحت ڪاروباري مرڪز، شادي هال ۽ ريسٽورنٽ رات 10 وڳي بند ڪيا پيا وڃن، جڏهن ته شهرين لاءِ ماسڪ جي پابندي لازمي قرار ڏني وئي آهي.
The post ڪورونا ڪيسن ۾ واڌ باوجود ملڪ ۾ تعليمي ادارا بند نه ڪرڻ جو فيصلو appeared first on Awami Awaz.
No comments:
Post a Comment