آءِ سي سي زمبابوي ڪرڪيٽ بورڊ تان پابندي ختم ڪري ڇڏي

 

دبئي (ويب ڊيسڪ) انٽرنيشنل ڪرڪيٽ ڪائونسل (آءِ سي سي) زمبابوي ڪرڪيٽ بورڊ تان پابندي ختم ڪري ڇڏي.

آءِ سي سي موجب پابندي هٽائڻ جو فيصلو زمبابوي جي راندين واري وزير ۽ ڪرڪيٽ بورڊ اختيارين سان ملاقات کانپوءِ دبئي ۾ ٿيندڙ بورڊ ميٽنگ ۾ ڪيو ويو.

ڪرڪيٽ جي عالمي گورننگ باڊي جي سربراهه ششانڪ منوهر جو ان حوالي سان چوڻ هو ته اسان زمبابوي جي راندين واري وزير جا ٿورائتا آهيون، جنهن پنهنجي ملڪ ۾ ڪرڪيٽ جي بحالي ۽ ان کي هٿي ڏيڻ لاءِ پنهنجي عزم جو اظهار ڪيو.

هن چيو ته زمبابوي جي اختيارين آءِ سي سي طرفان سموريون شرطون قبول ڪري ورتيون آهن ۽ زمبابوي ڪرڪيٽ کي فنڊن جي مشروط بحالي جو سلسلو به جلد شروع ٿي ويندو.

پابندي ختم ٿيڻ کانپوءِ زمبابوي ڪرڪيٽ ٽيم ايندڙ سال جنوري ۾ ٿيندڙ انڊر 19 ورلڊ ڪپ ۾ شرڪت جي اهل هوندي.

واضح رهي ته آءِ سي سي هلندڙ سال جولاءِ ۾ حڪومتي مداخلت ۽ بورڊ جون آزاد ۽ شفاف چونڊون ڪرائڻ ۾ ناڪامي تي زمبابوي ڪرڪيٽ کي معطل ڪري ڇڏيو هو.

Following the conclusion of the ICC Board meetings today, Zimbabwe and Nepal have been readmitted as ICC Members. pic.twitter.com/t9KIlEhQE7

— ICC (@ICC) October 14, 2019

The post آءِ سي سي زمبابوي ڪرڪيٽ بورڊ تان پابندي ختم ڪري ڇڏي appeared first on Awami Awaz.