خيبرپختونخواهه ۾ ڪير به بي ايمان ناهي، سڄو صوبو ئي جنت جو ٽڪرو آهي: خواجا آصف

اسلام آباد(ويب ڊيسڪ) مسلم ليگ ن جي اڳواڻ خواجا آصف چيو آهي ته خيبرپختونخواهه ۾ ڪير به بي ايمان ناهي ۽ سڄو صوبو جنت جو ٽڪرو آهي.

قومي اسيمبلي ۾ پنهنجي خيالن جو اظهار ڪندي خواجا آصف چيو ته قومي اسيمبلي جي اسپيڪر هڪ پارلياماني ڪميٽي بڻائي ۽ سمورا بل ان ڪميٽي ڏانهن موڪلڻ تي اتفاق ٿيو، ايف اي ٽي ايف جي بلن تي لڳ ڀڳ اتفاق راءِ ٿي چڪي هئي. حڪومت مخالف ڌر نيب قانون تي ڳالهيون اسپيڪر هائوس ۾ ٿيون، ڳالهين ۾ آرا سامهون آئي هئي، ان آرا کي پرڏيهي وزير گذريل ڏينهن ڏيڍ ڪلاڪ بيان ڪيو، اسان پنهنجي راءِ ڏني هئي ته ڪو مطالبو نه ڪيو هو. آرا رنگ بازي ڪئي وئي، اسان بابت اِهو تاثر پيدا ڪيو ويو ته اسان ملڪي مفاد جي خلاف ڳالهه ڪئي، اسان جي باري ۾ تاثر بڻايو ويو ته ڄڻ اسان سڀ نيب ورتل آهيون ۽ پنهنجي مفاد ۾ نيب قانون بڻائڻ چاهيون ٿا.

ن ليگ جي اڳواڻ چيو ته ايف اي ٽي ايف جي ٻن بلن تي اتفاق ٿي چڪو هو، نيب قانون کي هڪ پاسي رکو اسان عالمي ضرورتن کي سمجهون ٿا، جيڪي قانون دهشتگردي جي خاتمي سميت ٻيا سامهون آندا ويا اُهي سياسي مقصد جي لاءِ استعمال ٿي سگهن ٿا، نوي ڏينهن کان سواءِ ڪنهن ضمانت جي ڪنهن کي گرفتار ڪري رکي سگهي ٿو، تاريخ شاهد آهي جن قانون ٺاهيا اُهي ڀوڳن، اسان جيڪي قانون ٺاهيان اسان ڀوڳيو.

خواجا آصف چيو ته رات جي اونداهي ۾ نيب قانون جو مسودو موڪليو ويو، مسودي ۾ نيب چيئرمين جي ملازمت واري مدي ۾ واڌ شامل هئي، ٻئي مسودي ۾ ان ترميم کي واپس آندو ويو. نيب قانون سياسي هٿيار طور استعمال ڪيو ويو، تاريخ ٻڌائي ٿي ته جن غلط قانون بڻايا اُهو پاڻ ان جو نشانو بڻيا، اسان اِها روايت بند ڪرڻ چاهيون ٿا. نيب قانون بل تي هر رخ تي ڳالهيون ڪيون ويون، اسان ته رڳو نيب قانون ۾ ترميم جي ڳالهه ڪئي پر تحريڪ انصاف خيبرپختونخواهه ۾ احتساب ڪميشن ئي بند ڪري ڇڏي، صوبي جي نيب سربراهه کي استعيفيٰ ڏيڻ تي مجبور ڪري ڇڏيو، خيبرپختونخواهه ۾ ڪير به بي ايمان ناهي ۽ سڄو صوبو جنت جو ٽڪرو آهي. ان ۾ جيترا ڪرپٽ ويٺا آهن انهن جو مثال نٿو ملي. پي ٽي آءِ جي خلاف نيب ڇو ڪو ريفرنس نٿو بڻائي، مالم جبا، بلين ٽري ۽ پرڏيهي فنڊنگ سميت انهن کي سڀني تي ڇوٽ آهي؟

مسلم ليگ ن جو چوڻ هو ته تحريڪ انصاف جي عروج جو زوال شروع ٿيڻ وارو آهي. ڪجهه ماڻهو سياسي ڪارڪن جي نالي تي توهين آهن، اسان ايندڙ حڪومت سان ڪنهن رابطي جو حصو نه هونداسين، اسان کي ڪا به نرمي نه گهرجي.

The post خيبرپختونخواهه ۾ ڪير به بي ايمان ناهي، سڄو صوبو ئي جنت جو ٽڪرو آهي: خواجا آصف appeared first on Awami Awaz.