هواوي پاران گوگل ميپس جي ڀيٽ ۾”ميپ ايپ پيٽل ميپس“ کي ميٽ 40 سيريز جي فونزسان گڏ متعارف ڪرايو ويو آهي.
پيٽل ميپ جلد هواوي ايپ گيلري ۾ بيٽا ورجن ۾ پيش ڪيو پيو وڃي، جيڪو 140 کان وڌيڪ ملڪن ۾ مختلف ٻولين جي سپورٽ سان گڏ هوندو.
ڪمپني موجب ان ميپ ۾ 2 ڊي ۽ 3 ڊي نيويگيشن سان گڏ پنڌ ۽ پبلڪ ٽرانسپورٽ ذريعي منزل تائين پهچڻ جي سپورٽ به لانچ جي موقعي تي ڪجهه وڏن شهرن ۾ موجود هوندي.
پيٽل ميپس ۾ زوم ان اينڊ آئوت جي سهولت لاءِ ڪنٽرولز ڏنا پيا وڃن جڏهن ته ايئر جيسپر جي ذريعي نيويگيشن ويو ۽ ميپ اوور ويو تي سوئچ ڪرڻ ممڪن هوندو.
صارفين لوڪيشنز، ڪاروباري ادارن ۽ پنهنجي دلچسپي جي ٻين هنڌن کي ايپ ۾ سرچ ڪري سيو ڪري سگھندا.
هواوي جي دعويٰ آهي ته سرچ ۽ نيويگيشن جو سمورو ڊيٽا اينڊ ٽو اينڊ انڪرپٽڊ هوندو.
ان ۾ ٽيڪسٽ ۽ وائيس ان پٽ ته اڳ کان موجود هو پر هاڻ ويزول سرچ آپشن جي واڌ به ڪئي وئي آهي.
ڪمپني موجب اهو فيچر في الحال ماڻهن، جانورن، هنڌن ۽ غذائن تي ڪم ڪري ٿو پر جلد ان ۾ ٻوٽن جي سڃاڻپ کي به شامل ڪيو ويندو.
The post گوگل ميپس جي ڀيٽ ۾ هواوي جي متبادل ايپليڪيشن سامهون اچي وئي appeared first on Awami Awaz.
No comments:
Post a Comment