راولپنڊي (ويب ڊيسڪ) ڪپتان بابر اعظم جي شاندار اننگز عيوض پاڪستان پهرين ٽي ٽوئنٽي ميچ ۾ زمبابوي کي سولائيءَ سان 6 وڪيٽن تان هارائي ڇڏيو.
راولپنڊي ۾ زمبابوي جي ٽيم طرفان مليل 157 رنسن جو هدف پاڪستان 18.5 اوورن ۾ 4 وڪيٽن جي نقصان تي حاصل ڪري ورتو.
ميچ ۾ زمبابوي جي ٽيم ٽاس کٽي پهريان بيٽنگ جو فيصلو ڪيو ۽ مقرر اوورن ۾ 6 وڪيٽن جي نقصان تي 156 رنسون ٺاهيون.
مهمان ٽيم طرفان ويسلي مڌيويري 70 رنسن جي بهترين اننگز کيڏي، جڏهن ته پاڪستان طرفان حارث رئوف ۽ وهاب رياض 2-2 شڪار ڪيا.
جواب ۾ پاڪستاني ٽيم ڪپتان بابر اعظم جي شاندار بيٽنگ جي مدد سان گهربل ٽارگيٽ 4 وڪيٽن جي نقصان تي 19هين اوور ۾ حاصل ڪري ورتو.
بابر اعظم 82 رنسن سان ٽاپ اسڪورر رهيو، جڏهن ته محمد حفيظ 32 ۽ فخر زمان 19 رنسون ٺاهيون.
قومي ڪپتان بابر اعظم کي ميچ وننگ اننگز کيڏڻ تي ميچ جو بهترين رانديگر قرار ڏنو ويو.
پاڪستان ۽ زمبابوي وچ ۾ 3 ميچن تي ٻڌل ٽي ٽوئنٽي سيريز جي ٻي ميچ 8، جڏهن ته ٽين ۽ آخري ميچ 10 نومبر تي کيڏي ويندي.
ان کان اڳ پاڪستان ون ڊي سيريز 1-2 تان پنهنجي نالي ڪري چڪو آهي.
The post پهرين ٽي ٽوئنٽي ۾ بابر اعظم جي شاندار بيٽنگ، زمبابوي کي 6 وڪيٽن تان شڪست appeared first on Awami Awaz.
No comments:
Post a Comment