چانهه جا اهي فائدا، جن کان توهان اڻڄاڻ آهيو..!

ڪراچي (ويب ڊيسڪ) صحت جي ماهرن ڦودني، ادرڪ ۽ ليمي سان ٺيهل چانهه کي معدي جي صحت لاءِ بهترين قرار ڏئي ڇڏيو.

ماهرن موجب ڦودني، ادرڪ ۽ ليمي سان ٺهيل چانهه معدي جي صحت لاءِ بهترين سمجهيون وينديون آهن ۽ انهن مختلف قسمن جي چانهين جو استعمال اوهان کي معدي سميت صحت جي جي ڪترن ئي مسئلن کان ڇٽڪارو ڏياري سگهي ٿو.

 

ڦودني جي چانهه:

ڦودني ۾ اينٽي بيڪٽيريل يعني جراثيم خلاف مزاحمت ڪندڙ خاصيتون آهن ۽ اهو مختلف انفيڪشن ۾ آرام به پهچائيندو آهي. ڦودني جي چانهه معدي جي ڪيترن ئي مسئلن کان ڇٽڪارو حاصل ڪرڻ ۾ مدد فراهم ڪرڻ کان علاوا دٻاءُ ۽ ذهني بي چيني ختم ڪرڻ ۾ به مددگار ثابت ٿيندي آهي.

 

ليمي جي چانهه:

ليمي جي چانهن به معدي سميت ڪيترن ئي مسئلن کان بچائي سگهي ٿي، ليمن ۾ موجود سڙڪ ايسڊ نظام هاضمي کي بهتر بڻائڻ لاءِ استعمال ڪري سگهجي ٿي.

 

ادرڪ جي چانهه:

ادرڪ جي چانهه به غذائيت سان مالامال سمجهي ويندي آهي، ادرڪ جي چانهه جو استعمال ڪرڻ معدي لاءِ بي حد فائديمند آهي جڏهن ته اها ذهني دٻاءُ سميت ٻين مسئلن کان ڇٽڪاري لاءِ مدد فراهم ڪري سگهي ٿي.

The post چانهه جا اهي فائدا، جن کان توهان اڻڄاڻ آهيو..! appeared first on Awami Awaz.