اقرا ۽ ياسر موڪلن تي، مداحن جو ردعمل

ڪراچي (ويب ڊيسڪ) پاڪستان جي ٻن ناليوارين شخصيتن اداڪار ياسر حسين ۽ اقرا عزيز هلندڙ سال جي شروعات ۾ هڪ ٻئي سان مڱڻي ڪري سڀني کي حيران ڪري ڇڏيو هو.

ٻنهي جون تصويرون ۽ ويڊيوز سوشل ميڊيا تي سامهون ايندا رهندا آهن، جڏهن ته مڱڻي کان اڳ به ٻئي هڪ ٻئي سان گڏ پاڻ پنهنجون سيلفيون مداحن سان شيئر ڪندا رهيا.

هن وقت ٻئي اداڪار موڪلون ملهائڻ آمريڪي رياست فلوريڊا جي هڪ شهر ميامي ۾ موجود آهن جتان مختلف تصويرون شيئر ڪري رهيا آهن جيڪي مداحن جي ڌيان جو  مرڪز بڻيل آهن.

ياسر حسين پنهنجي انسٽاگرام اڪائونٽ تي مڱيندي سان گڏ هڪ تصوير شيئر ڪئي، جنهن ۾ هو اقرا کي مٿي کڻي بيٺل نظر اچي رهيو آهي.

جتي ان تصوير کي مداحن پسند ڪيو، اتي سندن  انداز تي سخت تنقيد به ڪئي پئي وڃي.

تصوير تي اهڙا گھڻا ڪمينٽس سامهون آيا جنهن ۾ واهپيدارن پنهنجي ناپسنديدگي جو اظهار ڪيو جڏهن ته ان انداز کي نامناسب قرار ڏنو.

هڪ واهپيدار ٻنهي جي جوڙي کي ڇڇورو چيو.

جڏهن ته ٻنهي کي شادي جو مشور پڻ ڏنو.

هن اداڪار جي ان تصوير تي تنقيد ڪئي.

جڏهن ته هن جو چوڻ هو ته جڏهن آئون 5 ورهين جي هيس ته منهنجي والدا مون کي ائين ئي کڻي کيڏائيندي هئي.

هن موجب هوءَ ياسر جي مداح هئي پر ان تصوير کان پوءِ اداڪارن کي ان فالو ڪري رهي آهي.

جيتوڻيڪ هن ٻين کي ياسر  ۽ اقرا جي ذاتي معاملن کان پري رهڻ جو مشورو به  ڏنو.

Iqra Aziz with her Hum awards #iqraaziz #humawards2019 pic.twitter.com/J4Ot6rJxvs

— Witty Ways (@witty_ways) October 12, 2019

The post اقرا ۽ ياسر موڪلن تي، مداحن جو ردعمل appeared first on Awami Awaz.