پاڪستان اندر ماءُ جي ٿڃ پيارڻ واري رجحان ۾ واڌ

ملڪ ۾ پهريون ڀيرو وڏي پيماني تي ڪيل قومي غذائي سروي مان خبر پئي آهي ته ملڪ ۾ 2011ع جي ڀيٽ ۾ هاڻ بريسٽ فيڊنگ (ماءُ جي ڀڃ پيارڻ) جي رجحان ۾ واڌ ٿي وئي آهي ۽ مائرون ٻارن کي پيدائش جي هڪ ڪلاڪ کان پوءِ ئي ٿڃ پيارڻ شروع ڪنديون آهن.

برطانوي حڪومت جي مالي سهڪار ۽ ٻارن بابت گڏيل قومن (يو اين) جي ذيلي اداري يونيسيف جي ٽيڪنيڪي سهڪار سان مڪمل ڪيل قومي غذائي سروي ۾ پاڪستان جي چئني صوبن، وفاقي علائقن گلگت بلتستان ۽ آزاد ڪشمير ۾ بريسٽ فيڊنگ جي رجحان جو جائزو ورتو ويو.

سروي کي صحت واري قومي اداري جي نگراني ۾ آغا خان يونيورسٽي (اي ڪي يو) مڪمل ڪيو ۽ گڏيل طور تي _{1 لک 15 هزار 500 گهراڻن جي} سروي ڪئي وئي.

_{سروي دوران} سمورن گهراڻن مان بالغ ماڻهن، تازن ڄاول ٻارن ۽ مرد عورتن جي صحت، خوراڪ ۽ طرز زندگي بابت ڊيٽا حاصل ڪئي وئي.

_{قومي غذائي} سروي مان خبر پئي ته ملڪ ۾ 2011 جي ڀيٽ ۾ 2018ع ۾ بريسٽ فيڊنگ جي رجحان ۾ واڌ ڏٺي وئي ۽ سڄي ملڪ ۾ گڏيل طور تي 48 سيڪڙو تازي ڄاول ٻارن کي مائرون پنهنجو کير پياري رهيون هيون.

_{صحت واري عالمي} اداري (ڊبليو ايڇ او) پاڪستان جهڙن ملڪن ۾ تازن ڄاول ٻارن کي ماءُ جو کير پيارڻ جو هدف 50 سيڪڙو تائين کڻي وڃڻ جون سفارشون ڪيون آهن ۽ ملڪ ۾ تازي بريسٽ فيڊنگ جي رجحان مان خبر پئي آهي ته پاڪستان عالمي هدف حاصل ڪرڻ ۾ ڪامياب ٿيندو.

_{سروي موجب سڄي پاڪستان ۾ 2001ع} ۾ 50 سيڪڙو تازن ڄاول ٻارن کي مائرون پنهنجون کير پيارينديون هيون پر 2011ع ۾ ان رجحان ۾ گهٽتائي ٿي هئي ۽ بريسٽ فيڊنگ جي شرح 37 سيڪڙو تائين پهچي چڪي هئي.

پر هاڻ 2011ع کان پوءِ بريسٽ فيڊنگ جي رجحان ۾ هڪ ڀيرو ٻيهر واڌ ڪئي وئي ۽ 2018ع تائين بريسٽ فيڊنگ جو رجحان 48 سيڪڙو تائين وڃي پهتو.

_سروي موجب سڄي پاڪستان ۾ گهڻو ڪري مائرون پيدائش جي هڪ ڪلاڪ کان پوءِ ئي ٻارن کي کير پيارڻ شروع ڪنديون آهن.

_{قومي سروي} مان اِها ڳالهه به نڪري ته بريسٽ فيڊنگ جو رجحان ٻهراڙي وارن علائقن جي ابتڙ شهري علائقن ۾ وڌيڪ آهي.

_{ٻهراڙي وارن علائقن ۾ شهري علائقن جي} ڀيٽ ۾ بريسٽ فيڊنگ جو رجحان ڏيڍ سيڪڙو تائين گهٽ آهي ۽ ان جا سبب مختلف ٿي سگهن ٿا.

_{سروي موجب ٻارڙي جي} پيدائش جي هڪ ڪلاڪ بعد بريسٽ فيڊنگ جو سب کان وڌيڪ رجحان ملڪ جي پٺتي پيل صوبي بلوچستان ۾ آهي، جتي اِها شرح 60 سيڪڙو آهي، ٻئي نمبر تي اسلام آباد جڏهن ته سنڌ صوبو 48 سيڪڙو سان ٽئين نمبر تي آهي.

_گڏيل طور تي ٻارڙي جي پيدائش کان 6 مهينن تائين سڀ کان وڌيڪ بريسٽ فيڊنگ صوبي خيبرپختونخواهه (ڪي پي) ۾ ٿيندي آهي، جتي اِها شرح 60 سيڪڙو آهي، 6 مهينن تائين بريسٽ فيڊنگ جي حوالي سان گلگت بلتستان ٻئين، پنجاب ٽئين، سنڌ چوٿين ۽ بلوچستان پنجين نمبر تي آهي.

The post پاڪستان اندر ماءُ جي ٿڃ پيارڻ واري رجحان ۾ واڌ appeared first on Awami Awaz.