اسلام آباد ( ويب ڊيسڪ ) وزيراعظم عمران خان چيو آهي ته اسلام آباد ماسٽر پلان جو نئين سر جائزو وٺڻ ۽ ٻيهر تيار ڪرڻ جي ضرور ت آهي. وزيراعظم عمران خان جي صدارت هيٺ اسلام آباد جي ماسٽر پلان بابت اجلاس ٿيو. اجلاس ۾ خاص مددگار ذوالفقار بخاري، اسد عمر، سي ڊي اي چيئرمين عامر احمد علي شرڪت ڪئي. اجلاس دوران سي ڊي اي چيئرمين طرفان وڻڪاري مهم تي به وزيراعظم کي بريفنگ ڏني وئي. وزيراعظم اجلاس ۾ وفاقي گادي واري هنڌ ۾ اڍنگي اڏاوتن ۽ عوام کي ڏکيائين توڙي ماحولياتي ۽ انتظامي مسئلن تي ڳالهائيندي چيو ته آبادي ۾ مسلسل اضافي ۽ شهر جي پکيڙ بابت مسئلن کي نظرانداز ڪيو ويو، گرين ايرياز ۾ گهٽتائي سبب ماحولياتي تبديلين جا ناڪاري اثر پيا آهن. هن چيو ته ماحولياتي آلودگي جو ملڪ جو سڀ کان وڏو مسئلو آهي، جنهن تي فوري ڌيان ڏيڻ جي ضرورت آهي، جڏهن ته اسلام آباد جي ماسٽر پلان جي نئين سر جائزي ۽ ٻيهر تيار ڪرڻ جي به ضرورت آهي. وزيراعظم هدايت ڪئي ته گرين ايرياز جي حفاظت لاءِ فوري قدم ۽ اڏاوتي قانون کي آخري شڪل ڏني وڃي، ڪچي آبادين جي رهواسين کي بهتر رهائشي سهولتون ڏنيون وڃن.
Islamabad’s master plan needs a fresh review: PM
The post اسلام آباد جي ماسٽر پلان جو نئين سر جائزو وٺڻ جي ضرورت آهي: وزيراعظم appeared first on Awami Awaz.
No comments:
Post a Comment