تفصیلات کے مطابق چیئرمین پیپلزپارٹی بلاول بھٹو زرداری کا کہنا ہے کہ ایک دن میں کسی مسئلے کا حل نہیں نکلے گا، ایوان میں مہنگائی کے مسئلے پر طویل بحث ہونی چاہئے، معاشی صورت حال کے باعث کرائم میں اضافہ ہورہا ہے۔
بلاول بھٹو نے کہا کہ وفاق جان بوجھ کر ایک صوبے کے حالات خراب کررہا ہے، وفاق صوبے کے ساتھ مل کر کام نہ کرے تو مسائل کیسے حل ہوں گے۔
انہوں نے کہا کہ حکومت جان بوجھ کر اٹھارویں ترمیم کو چھیڑ رہی ہے، پیپلزپارٹی کے دور میں امن و امان کی صورت حال میں بہتری آئی تھی، امید ہے وزیراعظم اسی ہفتے آئی جی سندھ کا معاملہ حل کریں گے، عوام کے تحفظ کے لیے آئی جی سندھ کا معاملہ جلد حل کیا جانا چاہئے۔
چیئرمین پیپلزپارٹی نے کہا کہ ہم پہلے دن سے آئی ایم ایف اور حکومت گٹھ جوڑ کے خلاف ہیں، حکومت کی نااہلی کی وجہ سے آئی ایم ایف سے ڈیل ہورہی ہے۔
بلاول بھٹو نے کہا کہ حکومت پارلیمان کو غلط طریقے سے استعمال کررہی ہے، حکومت ایوان سے پی ایم سی آرڈیننس کی زبردستی توسیع چاہتی ہے، حکومت نے آرڈیننس ہی چلانے ہیں تو پارلیمان کو بند کردے۔
انہوں نے کہا کہ حکومت نے مہنگائی پر اپوزیشن کا موقف تسلیم کرلیا ہے، حکومت یاد رکھے ایک دن کی بحث سے مہنگائی کا حل نہیں نکلے گا۔
No comments:
Post a Comment